1 – مفيش برامج talk shows بيقدمها خيري رمضان وحياه الدرديري واسامه مُنير ومصطفى شردي وبسمة وهبي، ده غير إنهم مش موجودين هناك أصلا.
٢ – مفيش ريهام سعيد.
٣ – مفيش مسلسلات سويدية لمي عز الدين أو يسرا أو إلهام شاهين، ومش هتشوف فادية عبد الغني ولا محمد رمضان.
٤ – مفيش حد سويدي اسمه تامر \”تامر حسني، تامر من غمرة، تامر بجاتو، تامر هجرس ، تامر أمين إلخ\”.
٥ – مفيش ريهام سعيد.
٦ – تقدر تدخل على الإنترنت بشكل طبيعي من غير مايقطع، ومن غير ما كاستومر سيرفيس تي إي داتا يقولك \”حضرتك جربت تشيل فيشة الراوتر وتحطها تاني؟\”.
٧ – تقدر تركن في الشارع بشكل طبيعي من غير ما ييجي سايس ينط فوق العربية، ويطلب منك فلوس مقابل ده، في أي مصلحه حكوميه مش هتلاقي حد يقولك \”طب والشاي بتاعي؟\” أو \”هات لي دي من مدام فوزية اللي في الدور اللي فوقينا\”.
٨ – مفيش قنوات دريم ولا CBC ولا المحور ولا العاصمة في السويد.
٩ – مفيش وجود لكابتن مدحت شلبي وشوبير ولميس الحديدي ولا لفيلسوف التحليل كابتن أيمن يونس ولا الأخوين عماد وعمر اديب ولا أحمد موسى ولا لبنى عسل، فتقدر تحافظ على قدرتك على الإنجاب وتبقى أب /أم عادي.
١٠ – مفيش إعلانات.. اتبرع علشان الفقرا تليها إعلانات اتبرع علشان تعيش بعيد عن الفقرا.
١١ – مفيش كارينا أو قوطونيل أو لايون.
١٢ – مفيش حجاب إسبانش ولا برنيطه ولا واحده بتحط الموبايل في الطرحة ومطلعه حبه شعر بره الطرحة.
١٣ – تقدر تستغني عن المهدئات عادي، لأن مفيش رامز جلال ولا مصطفى شعبان.. مش موجودين هناك .. ومش هيبقوا موجودين فاطمئن.
١٤ – مفيش ريهام سعيد زي ماقولتلك.
١٥ – مفيش صفحات سويدية على فيسبوك هتقولك اضرب لايك أو كام لايك وشير.
١٦ – مش هتلاقي اتنين مخطوبين مصورين إيديهم زي سوبر مان عشان الدبل تبان.
١٧ – مفيش كوبري أكتوبر ولا المحور ولا صلاح سالم ولا نزلة البحر الأعظم في السويد.
١٨ – ممكن تروح أي دولة في أوروبا أسرع ما تروح من مدينه نصر لـ ٦ أكتوبر.
١٩ – لما تيجي تتجوز بعيدا عن إن البنات هناك حلوين، لكن أهلها مش هيطلبوا منك مهر وشبكة أحسن من بتاعة بنت خالتها ولا نيش ولا سجاد من النساجون الشرقيون.
٢٠ – مش هتشوف في فرحك فساتين محجبات ملزقه ومحزقه بألوان فاقعه ولا هتشوف رسمه تاتو رخيصة.. ومش هتلاقي الشباب بتوع شو المشاعل.
٢١ – مفيش شاورما الريم ولا بابا حسني ولا جاد في السويد.
٢٢ – هتعملك فرحك في مكان مفتوح وأخضر وكله زرع وناس مستحمية، مفيش قاعه اللؤلؤة، ولا قاعات القوات المسلحة.. مفيش دي جي عمرو حاحا في السويد.. ولا هتلاقي واحد ماسك الميكرفون وبيقول: \”أصحاب العريس ييجوا كده، وأصحاب العروسة يروحوا الناحية التانية\”.
٢٣ – ممكن الصبح عادي وأنت رايح الشغل تقول لأي حد صباح الخير عادي، وهتلاقيه بيضحك في وشك عادي برضه.
٢٤ – الكهربا مش بتقطع ولا المايه ملوثة في السويد.
٢٥ – أسوأ موصلات هناك، هتبقى أنضف من عربيتك.
٢٦ – مش هتقابل واحد بيلبي نداء الطبيعة جنب سور أو تحت كوبري.. ده هناك بيسجنوه وبيدفعوه غرامة.
٢٧ – مش هتلاقي واحد نرجسي والإيجو بتاعه ناشع عليه يوقلك: السويد أم الدنيا وهتبقى قد الدنيا\”.
٢٨ – مفيش أوكا وأورتيجا ولا شحتة وكاريكا ولا مهرجانات، ولا في صافيناز ولا فيفي عبده ولا دينا في السويد.
٢٨ – مش هتحمل هم مشوار المرور وأنت في السويد.
٢٩ – هتحسن النسل بتاعك.
٣٠ – مش هتشوف إعلانات بيفط قماش في الشوارع \”أستاذ عوني عميد الرياضيات\”، ولا \”ميس انشراح ملكة علم النفس\” في السويد.
٣١ – مفيش في السويد ستات فوق ٣٠ / ٤٠ سنه عندهم خلل هرموني ومُعجبين برئيس أقرع وبيرفع البنطلون فوق سُرته وممحون.
٣٢ – مفيش مُفيد فوزي ولا هيكل ولا عندهم خبراء استراتيجيين بيفتوا في كل حاجه في السويد.
٣٣ – مش هيشتغلوك ويقولولك الطفل السويدي أذكي طفل في العالم.
٣٣ – لتالت مرة بقولك: مفيش ريهام سعيد في السويد.
٣٤ – عندهم الفعل الفاضح مختلف عن مصر.. يعني لو أب بيضرب ابنه / بنته / مراته في الشارع، ده بيعتبروه فعل فاضح وبيتسجن.. أو أي سلوك غير إنساني.
٣٥ – مفيش ظابط شرطة مفيم عربيته وشايل النمر أو موقف معاه أصحابه في الكمين.. ومش هتلاقيه مُعقد وناقص ودخل الكلية عشان يخرج الكبت اللي عنده في البشر.
٣٦ – مش هتلاقي هناك ناس ممكن تصدّق إن فيه جهاز اخترعه فني مَعامل بيعالج الإيدز وفيروس سي والسكر والسرطان والصدفية.
٣٧ – لو فرد واحد مات هناك بسبب \”إهمال\”، البلد ممكن تتقلب وحكومة تتشال ومسؤلين يتحاكموا.. عكس هنا عادي العدد في اللمون ومَحدش بيتحاسب ولا هيتحاسب.
٣٨ – مصر رقم ١٨١ على العالم لأقصر عمر أفراد وأقل مستوى صحة وخطورة على الحياة على مستوى العالم، لكن السويد رقم ٤٧ على العالم.
٣٩ – مفيش وائل الإبراشي في السويد.
٤٠ – مش هتحتاج واسطه عشان تلاقي شُغل، ولا لازم تلحس لمديرك.