اعتدنا أن يكون رمضان هو شهر الإعلانات، والمسلسلات وبرامج المقالب البايخه، اللي الناس بتبقى عارفه إنها مش مقالب ولا حاجة، وإن الضيف بيكون فاهم إنه حايتعمل فيه مقلب و\”يقفش\” بعدها مبلغا ضخما بالدولار، يخليه يبالغ في رد الفعل وكأنه اتفاجىء، كأن يضرب صاحب البرنامج اللي هو \”رامز جلال\” في أغلب الأحيان بالشلوت أو البونية، أو يعضه أو يبطحه، أو ينهال عليه بالسباب، والألفاظ الأبيحة، وكأن البرنامج يقيس مدى سفالة وقلة أدب النجوم، وباللإضافة لتلك البرامج اللي بتفور الدم، وتضيع ثواب الصيام، فهناك إعلانات التسول والشحاتة اللي وصلت السنه دي حدا غير مسبوق من الابتذال وابتزاز مشاعر الناس، لدرجه أن يظهر أطفال يعانون من الإعاقه وتأخر النطق، وآخرون وجوههم محروقه تماما! وإذا استطعت أن تتحمل كل هذا الكم من القبح، فأكيد طاقتك ومرارتك لن تتحمل محمد صبحى وهو بيمثل \”تايتانيك\” عشان يجمع تبرعات للعشوائيات،وبالمرة يسلط جام غضبه على الجمهور، الذي لفظه كمؤلف وممثل، فعاد إلينا من باب الإعلانات المفتوح على آخره لاستقبال كل أصحاب الأمراض والعاهات!