والله يا جدعان الناس هتتجنن.. خدوا دي:
حوار تخيلي بين اتنين بيتكلموا مع بعض عن حادثة أمين الشرطة اللي ضرب ضابط الجيش في المنوفية:
– بيقولك فيه أمين شرطة مسك ظابط جيش عجنه في المنوفية
– ليه بقي الوساخة دي هوا الداخلية بتفتري حتي عالجيش ؟
– بيقوللك أصله طلب منه الرخص فشتمه ومداهالوش
– تصدق بقي انه ظابط قليل الأدب ويستاهل الضرب
– بس الدنيا ضلمت بعدين
– إيه اللي حصل ؟
– ظابط الجيش طلب الشرطة العسكرية وجم حاصروا القسم علشان ياخدوا أمين الشرطة
– إيه البلطجة دي ؟ بس بصراحة هيا الداخلية مالهاش غير كده
– اصبر بس دا أمناء الشرطة رفضوا يسلموا زميلهم وقفلوا القسم بالجنازير
– طب والله عيال جدعان واصحاب صاحبهم وبعدين لو كانوا سابوا زميلهم للشرطة العسكرية كانوا نفخوه ..وبعدين ؟
– بيقوللك بقي الداخلية بقت تهتف يسقط حكم العسكر
– ينهار اسود دول غلبوا الإخوان
– وبعدين بتوع الشرطة العسكرية كانوا بيهتفوا الداخلية بلطجية
– ما هماللي شتموهم الأول وبعدين ميصحش يفرجوا الناس عليهم كده
ياولاد المجانين