– الحقيقه أنا مش شايف أي فرق بين جواز الصالونات أو غيره، لأن الشاب المصري مثلا بيوصل ٢٥ سنة أو ٢٦ بيكون ٩٥ ٪ من خلايا مُخه شغلها الشاغل هي الجواز والجنس، وبيكون يا بيدور في اللي حواليه محيط صحابه، محيط شغله، محيط سكنه، أو بيطلب من أهله.. وفي كل الحالات بتكون نظرته للبنت على إنها زوجة وأداه جنسية.
– لو هو اللي لقى البنت، بيطلقوا على الجواز إنه عن حُب، أما لو أهله اللى لقوها، الموضوع بيبقى مش لطيف واسمه \”جواز صالونات\” مع إن الآلية واحدة، هو بيبقى أول مرة يعرف واحدة، وبيفكر فيها كزوجة أه أو لا.
– وتلاقي التريقة طبعا، يقولك يروح يشوف البضاعة وهيدفع فيها كام، على أساس مثلا إنه لو بيحب البنت وعارفها من قبل كده هيتجوزها ببلاش. كده كده في الحالتين الجواز في مصر صفقة.
– ٩٥ ٪ من البنات في مصر: بتدور على الفلوس والجواز.. بعد ما بتوصلهم بتبدأ رحلة البحث عن الحب في الجواز، ومؤخرا بدأ البنات يشوفوا مين اللي معاهم فلوس، ويختاروا منهم اللي ينفع يتحب، وتبدأ رحلة إقناعه أو تدبيسه بالجواز.. تحّصل صاحباتها اللي غاظوها واتجوزوا قبلها.. تسبق صاحباتها اللي لسه ماتجوزوش وتغيظهم.. تعيش جو الفرح والفستان والتصوير والفرام الفيلين اللي عليه ترتر وخلافه.. ممارسة الجنس غير المسموح بممارسته قبل الزواج.. تغير صورة البروفايل على فيسبوك.
– ٩٥ ٪ من الولاد في مصر: بتدور على مُمارسة الجنس.. ثُم ممارسة الجنس.. تحقيق دورة حياة الذكر في المجتمع المصري المعروفة \”تتعلم – تتخرج – تخلص جيشك – تشتغل – تتجوز – تخلف – تشتغل – تموت\”.. ممارسة الجنس اللي في الغالب بيفشل بعد ما بيتصدم بالواقع المختلف عن أفلام السكس اللي بيتفرج عليها، واللي مش هيعرف يطبقها.. وضمان توريط شخص آخر في آداء الخدمات المنزلية بعد الست والدتك \”غسيل – طبيخ.. إلخ\”.. تحقيق حلم إنه يبقى أب وإنجاب طفل.. غالبا بيكون عيل تافه ومالوش لازمة هييجي يعمل زحمة ويكرر اللي أبوه عمله.
– وعشان كده في نسب طلاق عالية جدا وبتزيد، وغالبية الجوازات بقى بيتراوح عُمرها من ٣ لـ ٥ سنين.. ومفيش عائلة مصرية دلوقتي غير لما هتلاقي فيها واحدة أو اتنين مُطلقات، في الحقيقة يتزوج المصريون وغالبية قاطني دول العالم التالت حين لا يجدون شيئا أفضل يفعلونه. ملحوظة: بالنسبه للحب اللي هو بيبقى بدري يعني من أول المراهقة لحد أوائل العشرينات، ده في الأغلب بيبقى ميل نحو الجنس الآخر.. رغبة طبيعية بتترجم أنها ميل نحو شخص معين، مش حب بمعنى حب، عشان كده أغلبه بيفشل وبينتهي.