سؤال هتنزل في 25 يناير؟ بيفكرني بسؤال البهظ بيه في فيلم \”الكيف\”.. بتهلبوا فين؟ فيرد واحد: في التحتوس الغربي.
ليه بقى ذكرت فيلم \”الكيف\”، لأن الثورة عاملة زي فكرة الكيف.. خلطة طيبة وهدفها نبيل، اتقلبت بجد واتضاف عليها مواد كيماوية، وبيتطلب منك تعملها بالعافية بالمواد المضافة وتضر الناس وتقول مش عايز أعملها تاني ويطلبوا منك تعملها برضه بكميات كبيرة.
أنا مش عارف ليه الدولة بتجر الناس علي النزول، مع إن الناس مش نازلة أصلا.. كل المؤشرات وسلوكهم بيقول عايزين الناس تنزل.. مش عارف ليه مع إن الناس مش هتنزل وأنا منهم مش هنزل.. وبما إنه إجازة، فاحقضيه على بحيرة قارون أحتسي شاي الساعة الخامسة عصرا.. وعايز أقول اللي عايز ينزل: يا ابني ماتتعبش نفسك وتنزل وتتشحطط.. دي بلد مفيهاش أي أمل للتغير.. اشتغل ووفر مجهودك لشغلك.. يكفي إني أفكرك إن توفيق عكاشة أكتر واحد خد أصوات، وأحمد موسى بقي إعلامي كبير ومحمد صبحي رجع يعمل برنامج عشان يعلمنا الأدب والأخلاق.. إحنا بقينا في عصر خلاط سياسي من كل اللي فاتوا.. عشان كده اقضي يوم 25 يناير في بلكونة بتطل علي النيل، واحتسي شاي الخامسة زي إخوتنا الانجليز بارك الله فيهم.. والله أعلى وأعلم.