النائب العام بيحول الظابط اللي قتل شيماء الصباغ للمحاكمة بتهمة \”الضرب الذي أفضي للموت\”.. مش \”القتل العمد\”، وكمان بيحول أعضاء في حزب التحالف برضه للمحاكمة عشان اتظاهروا وكسروا القانون؟! بيقايضهم بـ \”سيب وأنا أسيب\”.. وبيحول شيماء لمذنبة! والظابط غلط زيه زيها.. وقيادات الحزب مبسوطة؟!
إيه ده؟!
زهدي الشامي – صاحب الصورة الشهيرة وهو بيبعد لما شيماء اتقتلت- بيهلل على صفحته، وعبد الغفار شكر الموظف بتاع الاتحاد الاشتراكي/حزب الدولة القديم، واللي بعدها، فضل سنين طويلة موظف رفعت السعيد، وبعدها مصمم يتبت في رئاسة الحزب، وبقى موظف مجلس السيسي لحقوق الإنسان.. بعدما قعد في إجتماع قيادة الحزب يقولوهم: \”أنا سيبت منصب قبل كدة.. اقبل ده بقى\”!
عبد الغفار شكر بيدي تصريحات بيقول فيها: \”إن القرار الصادر اليوم عن النائب العام، يعد تطور إيجابي يعزز الثقة في النيابة العامة، خاصة بعد قرار المستشار هشام بركات بحظر النشر في القضية\”!
ومن يومين.. بعد اليوم الأول من المؤتمر الاقتصادي، كان طالع يهلل للمؤتمر ويقول، إن دي بداية السكة الصح لمصر!
وبيضغط جوة الحزب عشان يلحسوا موقفهم ويرجعوا ينزلوا الانتخابات، لأن قضية شيماء اتحولت للمحاكمة، وأقالوا وزير الداخلية، وكله عارف إن الموضوع بس إن \”السيد\” السيسي، أمر العبيد بنزول الانتخابات، ولحس قرار المقاطعة!
أنتوا مابتتكسفوش؟!
فعلا.. الشباب جهلة.. لكن عندهم كرامة ونضاف.