1/ اصحي مع البيبي ونامي معاه
2/ اتولي شئونه بنفسك بعيدا عن مامتك
3/ غيري له كل شوية وهشتكيه
4/ اغسيلي له لبسه وانشريه وطبقيه
5/ واظبي على إنه يستحمى مع كل غيار
6/ أنتي كمان استحمي وماتهمليش مظهرك
7/ قبل ما تنامي فكري هتطبخي بكرة إيه
8/ لما يبدأ يحبي تابعيه ولاحقي عليه
9/ نضفي الأرضيات بديتول في الفترة دي
10/ واظبي إنه يستحمى لأن ركبته هتتوسخ
11/ استحمي بعديه وتحت الدش فكري هيتغدوا إيه
12/ ماتنسيش تغسلي الهدوم وتوضبي الولاب
13/ لما يبدأ يمشي امشي وراه
14/ استغلي اللف وراه في تنضيف البيت
15/ لازم يستحمى كتير لأن رجله هتتوسخ
16/ ماتنشغليش وتنسي مظهرك ولا هتطبخي إيه
17/ لمي اللعب اللي هيكركبها كل ساعة
18/ اعملي له أكل مخصوص وأكليه بنفسك
19/ هيوقع على نفسه.. نضفي المكان وخديه حميه
20/ استحمي أنتي كمان وضبطي طبيخ تاني يوم
21/ كده هتكوني حملتي في التاني والوحم مبهدلك
22/ بعد الولادة التانية لو نمتي ساعتين متواصل اسجدي لله شكرا
23/ راعي البيبي وواظبي يستحمى بعد ما تحمى الكبير
24/ الكبير هيبدأ مرحلة المدرسه.. اصحي قبله جهزي الفطار
25/ صحيه واشرفي على حمامه ولبسه
26/ وصليه بنفسك أو لو في باص انزلي ركبيه
27/ افتكري تنضفي وتطبخى حتى لو في دادة
28/ هييجي من المدرسة.. تحميه بعد ما تحمى البيبي
29/ اتأكدي من إن السراير مشدودة
30 / استحمي بعدهم واهتمى بزفت مظهرك
31/ إوعي تنسي تفكري في أكلة جديدة تطبخيها
32/ هتذاكري له والبيبي على كتفك شايلاه
33/ لمي اللعب بتاعة الكبير وطبعا الصغير
34/ لازم البيت يفضل نضيف
35 / بيذاكر.. تشرفي عليه وبرضه تراعي البيت والبيبي
36/ شدي السراير لأن هيلعبوا عليها
37/ خدي الصغير يستحمى وينام وبعده حمي الكبير
38/ أكيد مش هتنسي تستحمي بعدهم
39/ ماتنسيش نضافة الحمام
40/ وطبعا تشدي السرير
41 / هيكبروا.. هتفضلي تشرفي عليهم
42/ اقفي لهم على باب الحمام وهما بيستحموا ليستعبطوا
43/ هيطلبوا أكل كل ساعتين.. اطبخي ونضفي
42/ استحمي بعدها وضبطي مظهرك
44/ شدي السراير وغيري أكياس المخدات
45/ لو جوزك قالك نجيب التالت.. ابطحيه
46/ ولو سمعتي كلامه تستاهلي اللي هتشوفيه
47/ حمي العيال
48/ متنسيش تستحمي
49/ ومتنسيش تكتبي وصيتك
50/ قبل ما تلفظى أنفاسك وضبي السرير وطبقي الهدوم